kunstenaar vryelik leen van ’n verskeidenheid bronne en nie eksklusief is in opinie of smaak nie. PLURALISME is wanneer meer as een beginsel of idee erken word en waar minderheidsgroepe in die samelewing onafhanklike tradisies volhou.
Wayland’s Song (With Wing) Die storie waaroor hierdie skildery gebaseer is, is afgelei uit anonieme Skandinawiese gedigte wat die geskiedenis van die Teutoniese gode vertel. Die operas van Te Ring of Nibelung deur Wagner is op hierdie stories gebaseer. Hitler het Wagner se operas as simbole van die viering van Duitse nasionalisme gebruik. Behalwe die aantrekkingskrag van die romantiese aura van die stories soos geïnterpreteer deur die komponis, is die gebruik van stories as ’n onderwerp oor die erkenning van Duitse skuld tydens die volksmoord is ’n doelbewuste keuse deur Kiefer. Die deel van die storie wat Kiefer gebruik as inspirasie vir hierdie skildery vertel hoe die gierigheid en bedrieglikheid van die gode, wat nie onsterflik is nie, tot hulle nederlaag en dood lei. Wayland is die grootste van alle metaalsmede en hy word deur die koning van Swede gevang. Hy word so vermink dat hy nie kan vlug nie en word op ’n eiland gevange gehou om skatte vir die koning te maak. Nadat hy ontsnap, neem hy wraak deur die koning se twee seuns te vermoor. Hy wys vir die koning, koningin en prinses ornamente waarin hy die skedels, tande en oë van die prinse ingesluit het. Voordat hy vir homself vlerke maak en vlug, verlei hy die koning se dogter en maak haar swanger. Hierdie bose verhaal is deur Kiefer geïnterpreteer as ’n afgebrande landskap van verbrande en geploegde velde in olie en emaljeskilderye, foto’s en loodvlerke. Dit het ’n dubbele betekenis aangesien dit nie slegs na die metaalsmid as ’n antieke metafoor vir die kunstenaar verwys nie, wat magies goud uit lood
ANSELM KIEFER. WAYLAND’S SONG (WITH WING). 1982. OLIE, EMULSIE EN STROOI OP FOTO, GEMONTEER OP DOEK, MET LOOD. 2.8 M X 3.8 M
kan maak as ’n Christelike simbool van verlossing nie, maar dit verwys ook na die Duitse volksmoord van die Derde Ryk. Die kunswerk verteenwoordig die ornamente wat deur die metaalsmid vir die koninklike familie en die Duitse nasie gemaak is. Kiefer het strooi op die swaar geskilderde oppervlakte van hierdie groot skildery ingesluit. Die teenwoordigheid van die organiese agteruitgang van die strooi is ’n direkte verwysing na die idee van die natuurlike lewenssirkel en ’n onheilspellende visie vir Duitsland se toekoms.
ANSELM KIEFER. NUREMBERG. 1982. AKRIEL, EMULSIE EN STROOI OP DOEK
ANSELM KIEFER. LILITH AT THE RED SEA. 1990. GEMENGDE MEDIA
ANSELM KIEFER. THE SEVEN HEAVENLY PALACES. 2008. INSTALLASIE IN HUNGAR BICOCCA, MILAAN