Scéal an dáin: Léigh agus scríobh Léigh scéal an dáin agus dear scéalchlár.
Sa dán ‘Jeaic ar Scoil’, tá mac an fhile, Jeaic, á réiteach féin chun dul ar scoil. An chéad lá den bhliain nua atá ann agus tá Jeaic ag mothú níos sine anois.
Ag tús an dáin, deir sí go gcaithfidh Jeaic rian an tsamhraidh – ‘gaineamh na trá’ – a ghlanadh de agus ullmhú don fhómhar. Ní mór dó anois a éide scoile agus a bhróga nua leathair a chur air. Téann sé amach go stad an bhus ach deir sé lena Mhamaí gan é a phógadh agus gan fanacht in éineacht leis – tá sé sean go leor anois.
Féachann a Mham air tríd an bhfuinneog lena chinntiú go mbeidh sé slán.
Smaoiníonn sí ar an lá scoile a bheas aige agus ar a bhfoghlaimeoidh sé. Ceiliúrann sí go bhfuil sé ag fás aníos ach ag an am céanna, ceiliúrann sí freisin an t-am i láthair – is é sin, a bheith chomh hóg, chomh dearfach agus chomh fiosrach sin.
Scríobh
Cruthaigh scéalchlár faoin dán ar www.storyboardthat.com. Bain úsáid as na habairtí thuas agus/nó na línte sa dán.
