Díospóireacht: Laethanta Saoire Léigh agus scríobh
Léigh an díospóireacht seo agus freagair na ceisteanna a ghabhann léi.
Treoracha: Tá dhá thaobh den rún díospóireachta ‘Bíonn laethanta saoire scoile rófhada ag daoine óga sa samhradh’ léirithe sa dá íomhá thuas. Roghnaigh taobh amháin agus scríobh an chaint a dhéanfá i ndíospóireacht scoile. Pléigh na pointí seo a leanas: • an cineál bliain scoile a bhíonn ag daltaí óga • na rudaí a dhéanann daoine óga i rith an tsamhraidh • an tairbhe a bhaineann le laethanta saoire in Éirinn • an tairbhe a bhaineann le laethanta saoire thar sáile.
A chathaoirligh, a mholtóirí, a lucht an fhreasúra agus a chomhscoláirí, is mór an onóir dom a bheith anseo anocht chun labhairt in aghaidh an rúin seo. Ní aontaímse
go mbíonn laethanta saoire sc ile rófhad
go mbíonn laethanta saoire scoile rófhada ag daoine óga sa samhradh. Táim cinnte go dtiocfaidh sibh liom faoi dheireadh na díospóireachta seo.
Sa díospóireacht seo, pléifidh mé an tábhacht a bhaineann le laethanta saoire i saol an duine óig. Ar an gcéad dul síos, labhróidh mé faoin mbliain fhada thuirsiúil a bhíonn againn. Ar an dara dul síos, déanfaidh mé trácht ar na caithimh aimsire éagsúla a dhéanaimid sa samhradh. Faoi dheireadh, luafaidh mé cúpla pointe faoin tairbhe a bhaineann le laethanta saoire.
Ar an gcéad dul síos, ní féidir a shéanadh go mbíonn an bhliain scoile fada agus tuirsiúil. Éirímid go moch ar maidin. Caithimid seacht n-uair an chloig ar a laghad ar scoil – gan trácht ar an gcarn mór obair bhaile a bhíonn le déanamh gach oíche. Uaireanta bím ag staidéar go dtí a deich a chlog san oíche! Ní haon ionadh go mbíonn sos fada ag teastáil uainn tar éis bliain fhada thuirsiúil!
