Léigh faoi íomhánna an dáin. Cén íomhá is fearr leat? An bhfeiceann tú aon íomhá eile sa dán? I ngrúpa, pléigh do thuairim.
Tá go leor íomhánna tuairisciúla agus íomhánna mothúchánacha sa dán ‘Stadeolaíocht’. In íomhá thuairisciúil, cuirtear brí agus anam san fhilíocht. Spreagtar ár gcéadfaí. In íomhá mhothúchánach, músclaítear mothúcháin nó braistintí áirithe ionainn.
descriptive; emotive awakened
‘Brúim cnaipe na haipe’
Is íomhá thuairisciúil í seo a aithneoidh gach duine.
Is minic a bhímid sáite san fhón cliste. Ní thugaimid aird ar rudaí atá ag tarlú thart orainn. Déanaimid dearmad ar an saol mór.
Tarlaíonn an rud céanna don fhile anseo. Tá sé ag féachaint ar a fhón agus ní fheiceann sé an bus ag dul thar bráid.
stuck; attention world
‘faighim radharc fíor-ama den tiománaí ag féachaint orm (is é ag tiomáint an bhus thar bráid) ar ardú mo chinn dom’
Is íomhá thuairisciúil agus mhothúchánach í an íomhá seo.
Táimid ábalta an íomhá seo a shamhlú ‘i slómó’. Feicimid an file ag ardú a chinn ón bhfón. Cloisimid agus feicimid an bus ag dul thar bráid.
Táimid ábalta aghaidh na beirte carachtar a shamhlú freisin. Tá ionadh agus díomá ar an bhfile, ar ndóigh. B’fhéidir go bhfuil mearbhall ar an tiománaí – ar dtús. Ceapann sé go bhfuil an file ag fanacht ar bhus eile ach ansin feiceann sé go bhfuil ionadh agus díomá air.
Taighde agus scríobh
Roghnaigh íomhá amháin ón dán a thaitníonn leat. Téigh ar líne agus aimsigh pictiúr a léiríonn an íomhá seo. Cuir fotheideal (caption) leis an bpictiúr freisin.
Táim in ann tuiscint a léiriú ar theideal, ar mhothúcháin agus ar íomhánna an dáin.
