BÉALTRIAIL Dhá Agallamh Labhair Léirigh an t-agallamh seo leis an duine atá in aice leat. Daithí
1. Ar tharla aon timpiste duit riamh? Tharla, uair amháin.
2. Cad a tharla duit?
Bhí mé ag siúl ar bhalla agus thit mé anuas. Thit mé ar mo bhéal is mo shrón ar an talamh! Ghearr mé m’éadan.
3. Cad a rinne tú ansin?
Rith mo Mham chugam agus scrúdaigh sí mo cheann ar dtús. Bhí sé ag cur fola. Chuir sí bindealán air. Ansin, chabhraigh sí liom siúl go dtí an carr agus thiomáin sí go dtí an dochtúir áitiúil mé.
4. Ar scrúdaigh dochtúir thú? 4
Scrúdaigh an dochtúir áitiúil mo cheann ar dtús. Ghlan sé an chneá go cúramach agus ansin, chuir sé cúig ghreim inti! Chuir sé bindealán nua uirthi freisin!
5. An bhfuair tú x-gha? Ní bhfuair. Ní raibh aon cheann ag teastáil.
5
6. Ar chuir an dochtúir aon chomhairle ort? Chuir! Mhol sé dom é a thógáil go bog.
7. Ar chaill tú aon lá scoile? Níor chaill, faraor! Tharla an timpiste i lár an tsamhraidh.
8. Cá fhad a thóg sé ort a bheith ar ais ar do sheanléim arís? D’imigh an phian tar éis lá nó dhó. Thógamar na greamanna amach cúpla lá ina dhiaidh sin. Ina dhiaidh sin, bhí mé ar ais ar mo sheanléim arís.
Scríobh Fíor nó bréagach? 1. Ghortaigh Daithí a cheann.
2. Rinne an dochtúir x-ghathú ar cheann Dhaithí. 3. Bhris Daithí a chos.
4. Chaill Daithí seachtain scoile. 5. Bhí Daithí ar ais ar a sheanléim tar éis seachtain go leith. Scríobh
Samhlaigh go raibh cara leat san ospidéal tar éis dó/di a lámh a bhriseadh. Scríobh cúig cheist a chuirfeá air/uirthi faoin timpiste agus cúig fhreagra a cheapfá a bheadh oiriúnach mar fhreagraí.
