A bhuí le TG4 agus eagraíochtaí eile, tá deiseanna oibre iontacha sna meáin do dhaoine óga le Gaeilge.
Bunaíodh TG4 in 1996 i gConamara. Ó shin i leith, tá obair iontach déanta aige i ngach cineál clár teilifíse. Is é ‘Súil Eile’ an mana atá aige.
Láithreoirí reatha TG4
Orla Ní Fhinneadha
Is múinteoir bunscoile agus amhránaí ar an sean-nós í Orla. Is as Conamara ó dhúchas í. Bhíodh sí le feiceáil go minic ar TG4 le linn na dianghlasála, ar an gclár Cula4 ar Scoil.
Donncha Ó Murchú
Is as Baile Átha Cliath do Dhonncha. D’oibrigh sé mar chomhordaitheoir meán sóisialta do TG4 sular thosaigh sé ag obair mar láithreoir aimsire. Tá an gradam Réalta Óg na Bliana buaite aige freisin.
Mairéad Ní Chuaig
Is as Conamara do Mhairéad. Thosaigh sí amach mar láithreoir aimsire ar TG4. Tar éis tamaill, d’éirigh léi a seó féin – Wwoofáil – a fháil. Sa seó sin, thaistil sí ar fud an domhain ag obair i dtíortha éagsúla.