Éist leis an dán ‘Ceist na Teangan’ le Nuala Ní Dhomhnaill. Ansin, léigh an dán os ard leis an duine atá in aice leat.
Ceist na Teangan le Nuala Ní Dhomhnaill
Cuirim mo dhóchas ar snámh i mbáidín teangan faoi mar a leagfá naíonán i gcliabhán
a bheadh fite fuaite de dhuilleoga feileastraim is bitiúman agus pic bheith cuimilte lena thóin
ansan é a leagadh síos i measc na ngiolcach is coigeal na mban sí le taobh na habhann, féachaint n’fheadaraís cá dtabharfaidh an sruth é, féachaint, dála Mhaoise, an bhfóirfidh iníon Fhorainn?
An file
Rugadh Nuala Ní Dhomhnaill in Lancashire. Bhog sí go Gaeltacht Chiarraí nuair a bhí sí cúig bliana d’aois. Tá go leor duaiseanna buaite aici as a cuid leabhar filíochta.