TADHG (le miongháire rúnda): Tá mé ag ceapadh go bhfaca mé d’iníon ina measc.
SEÁN (preab bainte as): M’iníonsa! Ní féidir. Ag dul thar bráid a bhí sí, tá mé cinnte.
(Déanann TADHG miongháire ach ní deir sé dada.) SEÁN:
Ach ní faoi sin a tháinig mé isteach. De réir mar a thuigim, tá seanchairde liom, Séamus agus Peadairín, le bheith os comhair na cúirte gan mhoill. Daoine an-mhaith iad agus … bheinn an-bhuíoch … um … á … dá bhféadfadh an Chomhairle an cás a tharraingt siar … um … fianaise bhréige atá á cur ina gcoinne, tá mé cinnte. Tuigim, dár ndóigh, go mbíonn costas ag baint le cás mar seo, obair bhreise, agus mar sin de.
(Tógann sé clúdach beag donn as a phóca agus cuireann sé síos ar an mbord os comhair Thaidhg é.)
past
soon
if the Council could
evidence; against them
TADHG (ag déanamh neamhshuime den chlúdach agus ag caint go tomhaiste): Bhuel, a Sheáin, caithfidh an cás dul ar aghaidh … ach … b’fhéidir go bhféadfaí pointí ina bhfabhar a lua, nó finné ina bhfabhar a aimsiú. Labhróidh mé lenár ndlíodóir. Ach tá mé cinnte go dtuigeann tú nach í an Chomhairle, ach na daoine óga seo, atá ag cur an dlí orthu. Beidh sé deacair.
SEÁN:
Fágfaidh mé fút féin é. Tá mé cinnte go ndéanfaidh tú an rud ceart, mar a rinne tú riamh, a Thaidhg.
