‘Cá bhfuil na málaí eile?’ arsa duine acu. ‘Bhí siad anseo inné. Súil agam nár ghoid éinne iad.’
‘Dúirt Malone gur fhág sé anseo iad,’ arsa an fear eile. ‘D’inis sé dom gur chuir sé san íoslach iad.’
‘B’fhéidir gur inis sé bréag dúinn,’ a dúirt an chéad fhear. ‘Tá súil agam nár thóg sé an t-airgead ar fad.’
Go tobann, bhuail fón Sheáin. Pinnnng! Teachtaireacht! ‘A dhiabhail!’ ar seisean faoina anáil.
‘Céard é sin?’ a dúirt na fir. ‘Suas staighre leat, go tapa!’ ar dhuine acu. ‘Rith!’ a scread Léan.
Leis sin, léim Seán agus Léan de gheit agus thosaigh siad ag rith síos an dorchla. Chuala siad coiscéimeanna na bhfear. Bhí a fhios acu nach raibh ach soicind acu. D’oscail siad an príomhdhoras agus thosaigh siad ag rith i dtreo an bhóthair.
B’ansin a chuala Léan scread ….
1. Cad a rinne Seán agus Léan nuair a chuala siad an fothram den chéad uair? Cuir tic () leis an bhfreagra ceart.
D’fhan siad ina seasamh go ciúin. Ní dhearna siad tada.
D’fhéach siad isteach sa dorchla.
2. Cén fáth nár chóir dóibh a bheith sa teach? Cuir tic () leis an bhfreagra ceart. Bhí rudaí aisteacha ag tarlú ann gach oíche.
Bhí an teach ar tí titim anuas. Bhí comharsana nua ina gcónaí ann.
3. Cad a chonaic a n-athair cúpla mí ó shin? Cad a cheap sé ar dtús? Is leor dhá phointe eolais.
4. Déan cur síos ar an bhfadhb a bhí ag an mbeirt fhear. Is leor pointe amháin eolais. 5. Cad a rinne na fir nuair a chuala siad an fón? Cuir tic () leis an bhfreagra ceart. Rith siad amach cúldoras.
D’fhan siad ina seasamh. Rith siad suas go dtí an bunurlár.
6. Bunaithe ar an méid a tharla sa scéal thuas, an dóigh leat go raibh an ceart ag Seán agus Léan dul isteach sa seanteach tréigthe seo? Is leor dhá fháth i d’fhocail féin.
Bí ag caint! Cad a tharlaíonn ag deireadh an scéil, dar leat? Pléigh i ngrúpa é.
