Caibidil 8 Labhair Léirigh an t-agallamh seo leis an duine atá in aice leat. Síle
S 1
1. An bhfaighidh tú post samhraidh tar éis na scrúduithe?
Tá súil agam go bhfaighidh mé post páirtaimseartha.
2. Cén sórt poist ar mhaith leat? Ba bhreá liom post a fháil in ollmhargadh. Tá mo dheartháir mór ag obair in ollmhargadh síos an bóthar uainn agus beidh deis agam post a fháil ann.
2 3Cé ó d l3. Cén sórt dualgas a bheidh i gceist?
Bheinn ag obair ar an scipéad agus ag stocáil seilfeanna, gan dabht. Bheinn ag obair ag an deilí freisin.
4. Cé mhéad airgid a thuillfeá san uair? Thuillfinn idir €7 agus €8 san uair.
5. Cad a cheannófá le do chuid airgid?
Bhuel, tá suim mhór agam sa spórt agus sa cheol. Mar sin, cheannóinn bróga spóirt nua agus b’fhéidir geansaí Juventus. D’íoslódálfainn cúpla albam ó iTunes freisin.
6. An dtaitneodh an obair leat?
Níl a fhios agam, le bheith macánta. Deir mo dheartháir go mbíonn sé leadránach uaireanta ach go mbíonn an fhoireann ann an-chairdiúil. Ceapaim go dtaitneodh sé liom.
7. An ndearna tú aon obair charthanachta riamh? Rinne mé troscadh don charthanas Trócaire anuraidh agus bhailigh mé €40. Phacáil mé málaí san ionad siopadóireachta áitiúil freisin agus bhailigh mé beagán airgid do dhaoine gan dídean.
8. An ndéanfaidh tú aon obair charthanachta i mbliana? Nuair a bheidh mé san idirbhliain, beidh mé ag déanamh obair charthanachta le Clann Shíomóin. Táim ag tnúth go mór leis sin.
Scríobh Freagair na ceisteanna seo i do chóipleabhar. 1. Cén post samhraidh ar mhaith le Síle? 2. Céard iad na dualgais a bheadh i gceist? 3. Cé mhéad airgid a thuillfeadh sí san uair? 4. Cad a cheannódh sí lena cuid airgid? 5. Cén obair charthanachta a rinne sí anuraidh?
Scríobh agus labhair
Freagair na ceisteanna a d’fhreagair Síle (Ceisteanna 1–8) i do chóipleabhar. Ansin, cuir na ceisteanna seo ar an duine atá in aice leat. Taifead an comhrá ar d’fhón póca nó ar do ríomhaire.
Táim in ann cur síos a dhéanamh ar thimpiste a tharla agus ar obair a thaitneodh liom.
