18 NEWYDDION SIR GÂR • Rhifyn 2 Gorffennaf - Medi 2011


www.sirgar.gov.uk Cyfle i’r cyhoedd bleidleisio dros gerflun artist


MAE artist o Sir Gaerfyrddin ar y rhestr fer ar gyfer Gwobr Gerflunwaith Genedlaethol Broomhill yn y Deyrnas Unedig. Mae gwaith Lee Odishow, sy’n gweithio ar


gampws celf a dylunio Coleg Sir Gâr yng Nghaerfyrddin, lle cafodd radd BA anrhydedd mewn cerflunwaith, wedi cael ei arddangos ymhlith y 10 olaf yn y gystadleuaeth. Dewisir yr enillydd cyffredinol ym mis Medi gan banel beirniaid o artistiaid a cherflunwyr sy’n enwog yn rhyngwladol, a bydd gwaith yr enillydd yn dod yn rhan o Sefydliad Celf a Cherflunwaith Broomhill. “Dyma fy narn mawr cyntaf o waith awyr


Llun: Y Cerflunydd Lee Odishow


Lansio’r Strategaeth Gymunedol Integredig


MAE Strategaeth Gymunedol Integredig gyntaf Sir Gaerfyrddin, sy’n amlinellu’r weledigaeth ar gyfer y dyfodol, yn cael ei lansio’n swyddogol. Cynhelir digwyddiad ym Mharc y Scarlets ar 14


Gorffennaf i lansio dogfen y Bwrdd Gwasanaethau Lleol. Mae aelodau’r BGLl – Bwrdd Iechyd Hywel Dda, Cyngor Sir Caerfyrddin, Heddlu Dyfed Powys, Prifysgol Cymru y Drindod Dewi Sant, Coleg Sir Gâr, Cymdeithas Gwasanaethau Gwirfoddol Sir Gaerfyrddin, Asiantaeth yr Amgylchedd, Gwasanaeth Tân ac Achub Canolbarth a Gorllewin Cymru a Iechyd Cyhoeddus Cymru – wedi addo gweithio mewn partneriaeth er mwyn rhoi sylfaen gadarn i’r sir.


Bydd y cynnydd yn cael ei adolygu bob chwe mis,


a bydd yr holl bartneriaid yn atebol am eu canlyniadau a’u nodau. Mae’r strategaeth yn hygyrch i bawb, gyda fersiynau i blant ac i bobl ifanc. Mae’r strategaeth newydd, ar gyfer y cyfnod 2011


i 2016, wedi cael ei datblygu trwy ymgynghori â chymunedau lleol, sefydliadau a grwpiau eraill, ac mae’n gweithio i gyflawni’r weledigaeth y bydd “Sir Gaerfyrddin yn galluogi pobl i fyw bywydau iach a chyflawn trwy gydweithio i adeiladu cymunedau cryf, dwyieithog a chynaliadwy”. I gael rhagor o wybodaeth, ewch i www.partneriaethsirgar.org.


agored ar fy mhen fy hun, ac mae’n darlunio ffurf ffigurol o haearn bwrw, gyda gwead clai wedi ei ddwbio arno, a masg wyneb efydd, cromennol,” meddai Lee. Gall y cyhoedd weld gwaith Lee, o dan y teitl FISK, a phleidleisio drosto, yn broomhillart.co.uk


Ty Golau yn disgleirio


TŶ-GOLAU yn disgleirio am flwyddyn arall. Mae elusen yn Llanelli yn dathlu ei phen- blwydd yn ddwy trwy ddewis enw newydd. Mae Tŷ-Golau, a elwid gynt yn Lighthouse, yn gweithredu o Eglwys Gymunedol Tŷ Gwyn, ar Heol Newydd, Llanelli. Cyfleuster iechyd a lles yw Tŷ Golau,


sydd yn darparu gweithgareddau therapiwtig i roi hwb i bobl hŷn, y mae gan lawer ohonynt ryw fath ar broblemau gyda’u cof. Ers ei lansio yn 2009, mae’r grŵp wedi ehangu i’r fath raddau fel bod ystod o weithgareddau ar gael bellach, yn cynnwys therapi atgofion, atgoffa o realaeth, cerddoriaeth a symud, garddio


dan do, celf a chrefft, sesiynau ymuno yn y canu a llawer mwy. Mae’r sesiynau yng ngofal gweithwyr proffesiynol, a thîm ymroddedig o gynorthwywyr. Meddai Janet Lewis, y Cyfarwyddwr


Clinigol: “Mae angen mawr am y cyfleuster yma, sydd wedi dod mor boblogaidd fel bod cynlluniau i agor y ganolfan ar ddiwrnod ychwanegol. Y nod, yn y dyfodol, fydd bod ar agor 5 niwrnod yr wythnos. Hefyd, mae croeso mawr i bobl hŷn ddod i’r sesiynau. Mae croeso cynnes hefyd i ofalwyr ymuno, neu ymlacio a chael paned o goffi tra bod y sesiwn yn cael ei chynnal.” I gael rhagor o wybodaeth, ffoniwch Janet Lewis ar 01554 890896.


Page 1  |  Page 2  |  Page 3  |  Page 4  |  Page 5  |  Page 6  |  Page 7  |  Page 8  |  Page 9  |  Page 10  |  Page 11  |  Page 12  |  Page 13  |  Page 14  |  Page 15  |  Page 16  |  Page 17  |  Page 18  |  Page 19  |  Page 20