THE HERALD FRIDAY JANUARY 27 2017


41 Newyddion Cymraeg


Efa Gruffudd Jones, Prif Weithredwr y Ganolfan Dysgu Cymraeg Genedlaethol: Mae £3 miliwn ychwanegol ar gyfer prosiectau iaith


£3m i hybu’r Gymraeg


Genedlaethol sy'n gyfrifol am ddarparu arweinyddiaeth strategol i'r sector Cymraeg i Oedolion. Mae hyn yn cynnwys datblygu a darparu cyrsiau Cymraeg i Oedolion yn y gweithle, yn arbennig ar gyfer cyrff sy'n glynu wrth safonau'r Gymraeg. Mae Llywodraeth Cymru wedi


MAE LLYWODRAETH Cymru


yn buddsoddi £3m yn ychwanegol yn y Ganolfan Dysgu Cymraeg Genedlaethol er mwyn gwella a chynyddu'r defnydd o'r Gymraeg yn y gweithle. Mae galluogi pobl i ddefnyddio'r


iaith yn y gwaith, ynghyd â sicrhau bod gan


y cyhoedd fynediad at wasanaethau Cymraeg o safon uchel, yn hanfodol er mwyn cyrraedd ein targed o gael miliwn o siaradwyr Cymraeg. Y Ganolfan Dysgu Cymraeg


gweithio'n agos gyda'r Ganolfan Genedlaethol i ddatblygu cynllun ar gyfer yr arian ychwanegol sydd wedi'i glustnodi yng nghytundeb cyllideb 2017-18 gyda Phlaid Cymru. Mae pum rhan i'r Cynllun: Gwybodaeth a chyngor i gyflogwyr ‘Cymraeg Gwaith’. Cyrsiau croeso / derbyniad ar- lein ‘Croeso Cymraeg Gwaith’. Cyrsiau Dwys ‘Dysgu Cymraeg


Gwaith’. Cyrsiau ar gyfer gweithlu'r


blynyddoedd cynnar ‘Cymraeg Cynnar’.


Cyrsiau preswyl i godi hyder


a darparu terminoleg arbenigol 'Defnyddio Cymraeg Gwaith'. Dywedodd Alun Davies,


Gweinidog y Gymraeg, wrth Aelodau'r Cynulliad: "Nod y Llywodraeth hon yw sicrhau miliwn o siaradwyr Cymraeg erbyn 2050. Yn unol â'r uchelgais a rannwn gyda Phlaid Cymru, rydym yn neilltuo £3m yn ychwanegol i sicrhau bod y Gymraeg yn cael ei defnyddio ar lefel ehangach, ac annog mwy o bobl i'w defnyddio. "Bydd y buddsoddiad hwn yn


galluogi'r Ganolfan Dysgu Cymraeg Genedlaethol i roi cymorth ymarferol i gyrff, gan sicrhau eu bod yn gallu darparu gwasanaeth dwyieithog eithriadol i'r cyhoedd, a chydymffurfio â safonau'r Gymraeg." Ychwanegodd Efa Gruffudd Jones, Prif Weithredwr y Ganolfan Dysgu


Cymraeg Genedlaethol: "Rydym yn croesawu'r cyllid ychwanegol hwn a fydd yn caniatáu i'r Ganolfan adeiladau ar yr hyn sydd eisoes wedi'i gyflawni yn y sector Cymraeg i Oedolion yn y misoedd diwethaf, a rhoi mwy o gefnogaeth i dargedau’r Llywodraeth ar gyfer y Gymraeg. "Mae rhoi blaenoriaeth i ddysgwyr


yn ganolog i waith y Ganolfan, a bydd y cyllid hwn yn arwain at fwy o gyfleoedd i unigolion sydd am ddysgu a gwella eu Cymraeg, i wneud hynny gyda chefnogaeth eu cyflogwr. "Bydd y cyrsiau 'Cymraeg Gwaith'


yn cael eu darparu ochr yn ochr â'r ddarpariaeth bresennol, ac rydym yn edrych ymlaen at gael gweithio gyda phartneriaid, cyflogwyr a'r Llywodraeth i gyflwyno'r rhaglen ddysgu newydd hon, a fydd yn cynnwys elfennau rhyngweithiol arloesol."


Fyfyrwyr yn derbyn ysgoloriaethau’r Coleg Cymraeg MEWN digwyddiad arbennig


mae Prifysgol Cymru Y Drindod Dewi Sant wedi croesawu’r newyddion bod y nifer uchaf erioed o’i myfyrwyr wedi derbyn ysgoloriaethau gan y Coleg Cymraeg Cenedlaethol. Yn ystod y flwyddyn academaidd


hon mae 67 o fyfyrwyr y Drindod Dewi Sant a Choleg Sir Gâr wedi derbyn un o ysgoloriaethau’r Coleg. Er mwyn nodi’r llwyddiant hwn cynhaliwyd seremoni arbennig yn y brifysgol er mwyn cyflwyno tystysgrifau i’r myfyrwyr llwyddiannus. Mewn cydweithrediad â’r Coleg


mae’r brifysgol a Choleg Sir Gâr wedi buddsoddi’n helaeth yn ystod y blynyddoedd diwethaf mewn creu darpariaeth cyfrwng Cymraeg o’r newydd mewn meysydd megis Celf a Dylunio, Amaethyddiaeth, Astudiaethau


Chwaraeon,


Busnes, Blynyddoedd Cynnar, Gwaith Ieuenctid a Chymuned ac Astudiaethau Crefydd. Bellach mae’r rhan fwyaf o gyrsiau cyfrwng Cymraeg y Drindod Dewi Sant yn gymwys ar gyfer Ysgoloriaethau’r Coleg. Dywedodd Gwilym Dyfri Jones,


Pro Is-Ganghellor Cysylltiol Prifysgol Cymru Y Drindod Dewi Sant: “Rydym yn falch iawn bod cynifer o’n myfyrwyr wedi llwyddo i ennill un o ysgoloriaethau’r Coleg Cymraeg Cenedlaethol. Mae’r Brifysgol wedi ymrwymo’n llawn i ddarparu addysg o safon yn y Gymraeg a sicrhau bod gan ein myfyrwyr bob cyfle posib i astudio yn eu dewis iaith. “Dros y blynyddoedd diwethaf


rydym wedi buddsoddi’n helaeth mewn amrediad eang o feysydd er mwyn cynyddu ac ehangu’r ddarpariaeth cyfrwng Cymraeg yn y brifysgol. Mae’r Brifysgol yn cydweithio’n agos iawn gyda’r Coleg er mwyn datblygu addysg flaengar cyfrwng Cymraeg ac rydym yn parhau i gynllunio er mwyn sicrhau bod darpariaeth a chyfleoedd pellach ar gael i’n myfyrwyr yn y dyfodol. “Roedd y seremoni yn achlysur


arbennig iawn ac roedd hi’n wych i weld y holl fyfyrwyr llwyddiannus yn cael y cyfle i ddod at ei gilydd i ddathlu ac i gymdeithasu.” Ychwanegodd Dr Hefin Jones,


Deon y Coleg Cymraeg Cenedlaethol a oedd yn bresennol yn y seremoni: “Mae’n rhoi cryn foddhad i mi fel


Deon y Coleg Cymraeg Cenedlaethol i weld cymaint y datblygiad sydd wedi digwydd mewn addysg cyfrwng Cymraeg ym Mhrifysgol Cymru y Drindod Dewi Sant yn ystod y


blynyddoedd diwethaf. Hynny, ar draws ystod o ddisgyblaethau; o berfformio a’r celfyddydau cain, i fusnes ac addysg gorfforol. Mae heddiw yn uchafbwynt i’r


datblygiadau hyn - rhannu’r nifer fwyaf erioed o Ysgoloriaethau’r Coleg Cymraeg Cenedlaethol ymysg myfyrwyr Cangen y Drindod Dewi Sant.”


Page 1  |  Page 2  |  Page 3  |  Page 4  |  Page 5  |  Page 6  |  Page 7  |  Page 8  |  Page 9  |  Page 10  |  Page 11  |  Page 12  |  Page 13  |  Page 14  |  Page 15  |  Page 16  |  Page 17  |  Page 18  |  Page 19  |  Page 20  |  Page 21  |  Page 22  |  Page 23  |  Page 24  |  Page 25  |  Page 26  |  Page 27  |  Page 28  |  Page 29  |  Page 30  |  Page 31  |  Page 32  |  Page 33  |  Page 34  |  Page 35  |  Page 36  |  Page 37  |  Page 38  |  Page 39  |  Page 40  |  Page 41  |  Page 42  |  Page 43  |  Page 44  |  Page 45  |  Page 46  |  Page 47  |  Page 48  |  Page 49  |  Page 50  |  Page 51  |  Page 52  |  Page 53  |  Page 54  |  Page 55  |  Page 56  |  Page 57  |  Page 58  |  Page 59  |  Page 60  |  Page 61  |  Page 62  |  Page 63  |  Page 64  |  Page 65  |  Page 66  |  Page 67  |  Page 68  |  Page 69  |  Page 70  |  Page 71  |  Page 72