Athrawon Cymru 


Rhifyn 37  Tymor yr Hydref 2010


Gan yr NUT ar gyfer holl athrawon Cymru


 


Croeso i’r NUT!


 Ymwelodd NUT Cymru â phob prifysgol yng Nghymru ar ddechrau’r tymor eleni er mwyn recriwtio myfyrwyr i’r undeb. Yn y llun uchod gwelir Steffan ap Dafydd, Ysgrifennydd Rhanbarth Abertawe, a Glesni Jones, Prif Swyddog NUT Cymru, (ar y dde) gydag Anna Deeks (canol chwith) a Sarah Francis, dau aelod newydd ym Mhrifysgol Fetropolitan Abertawe.


Mae aelodaeth myfyrwyr i’r NUT yn rhad ac am ddim, a gall athrawon newydd gymhwyso dderbyn aelodaeth lawn ar gyfer pedwar tymor am £1. Dewch o hyd i ragor o wybodaeth yn www.teachers.org.uk.


 





Wrth graidd pwer
Cyfarfu cynrychiolaeth yr NUT gyda’r Gweinidog dros Blant, Addysg a Dysgu Gydol Oes, Leighton Andrews, yn Nhy Hywel ym Mae Caerdydd, ar yr 28ain o Fedi. Roedd y trafodaethau yn “gadarnhaol iawn ym mron pob agwedd”, yng ngeiriau Ysgrifennydd Cymru yr NUT, David Evans.


Trafododd David ar y cyd gydag aelodau gweithredol dros Gymru Neil Foden, Angela Davies, Beth Davies, a Phrif Sywddog NUT Cymru Stuart Williams. Trafodwyd nifer o bynciau allweddol gan gynnwys ariannu, Fframwaith Effeithiolrwydd Ysgolion ac athrawon cyflenwi.


Cadarnhaodd y Gweinidog ymrwymiad Llywodraeth Cynulliad Cymru i leihau’r bwlch ariannu y pen rhwng disgyblion yng Nghymru a Lloegr (Gweler tudalen 2). Dangosodd ddealltwriaeth o drafferthion athrawon cyfl enwi ac addawodd ymchwilio i’r mater. Mynegwyd pryder gan y gynrychiolaeth nad oedd yr NUT wedi eu gwahodd i ail ran yr Adolygiad Gwariant Cyhoeddus. Gwahoddwyd yr NUT i baratoi datganiadau ysgrifenedig er mwyn eu hystyried o ganlyniad.






Beth gallwn ni ei gynnig i chi?


Yn ogystal â recriwtio myfyrwyr, mae NUT Cymru wedi sicrhau gwasanaeth pump bwrsar myfyrwyr:


• Carys Lawrence (dde) ym Mhrifysgol Cymru, Aberystwyth


• Sarah Conway yn UWIC, Caerdydd


• Beth Lewis ym Mhrifysgol Bangor


• Louise Brown ym Mhrifysgol Fetropolitan Abertawe


• Daniel Haman yng Ngholeg y Drindod, Caerfyrddin.


Mae pob un wedi sefydlu cymdeithas yn eu prifysgolion ac fe fyddant yn trefnu gweithgareddau cyson er mwyn cynorthwyo myfyrwyr, sy’n aelodau o’r NUT, gyda’u hastudiaethau a chynnig datblygiad proffesiynol iddynt – er enghraifft, cynnig ffug gyfweliadau a chymorth gyda llythyron cais.


Os hoffech chi gysylltu gyda Carys, Sarah, Beth, Louise neu Daniel, ebostiwch cymru.wales@nut.org.uk.




Tu mewn… ‘Cau’r bwlch ariannu!’  Yn eisiau:Cynrychiolydd ym mhob ysgol.  NUT – yr undeb i siaradwyr Cymraeg


Page 1  |  Page 2  |  Page 3  |  Page 4