24 Newyddion


THE HERALD FRIDAY JANUARY 27 2017


Follow us on Twitter @ceredigherald


Archifau Cymru yn elwa o gyllid partneriaeth


Plas Tan y Bwlch: Y gwaith yn eu gwneud yn llawer mwy hygyrch i fyfyrwyr, ymchwilwyr a defnyddwyr lleol ER MWYN helpu i


gynnal gwaith cadwraeth ar eitemau bregus ac sydd wedi'u difrodi yn eu casgliadau, bydd gwasanaethau archifau Caerdydd a Cheredigion yn derbyn dros £12,000 o ganlyniad i bartneriaeth rhwng Llywodraeth Cymru a'r Ymddiriedolaeth Cadwraeth


Llawysgrifau


Genedlaethol (NMCT). Mae'r cyllid yn cael ei ddyrannu


i ddiogelu eitemau sy'n cael eu cadw ar hyn o bryd. Ychydig sy’n cael eu trafod oherwydd eu cyflwr bregus, ond bydd y gwaith yn eu gwneud yn llawer mwy hygyrch i fyfyrwyr, ymchwilwyr a defnyddwyr lleol. Mae oddeutu £2900 yn cael ei


Florrie Hamer: Mae’r casgliad yn cynnwys dogfennau, cofiannau, llythyrau, ffotograffau ac effemera


ddyrannu i Brifysgol Caerdydd i ddiogelu ysgrifau Edward Thomas (1878-1917), un o feirdd Prydeinig mwyaf arwyddocaol y Rhyfel Byd Cyntaf.


Bydd yr arian yn caniatáu i set o


lawysgrifau a nodiaduron personol iawn, sy'n disgrifio dull artistig Edward Thomas, gael eu diogelu. Bydd y gwaith yn caniatáu i'r


llawysgrifau a’r nodiaduron hyn gael eu rhannu â chynulleidfaoedd ac ymchwilwyr trwy’r byd. Mae'n cyd-fynd â chynhadledd sy'n cael ei chynnal eleni gan Brifysgol Caerdydd i gofio canmlwyddiant marw Edward Thomas. Bydd oddeutu £9200 yn cael ei


ddyrannu i Archifau Ceredigion i ddiogelu'r 'Florrie Hamer Papers'. Mae'r casgliad yn cynnwys


dogfennau, cofiannau, llythyrau, ffotograffau ac effemera Flora Hamer (1903 - 1994) a oedd yn ferch i weithwyr ystâd ac yn gymdeithes. Gweithiodd Flora â thri theulu


mawr lleol, gan gynnwys Yr Arglwydd Ystwyth o Danybwlch, y teulu Pryse o Ogerddan a'r teulu Powell o Nanteos. Roedd ei pherthynas unigryw gyda'r bonedd Seisnigaidd yn yr ardal mor Gymreig hon yn ddrws iddi at ffordd o fyw a oedd eisoes wedi dechrau ei ddirywiad anochel. Mae'r casgliad yn arwyddocaol


gan ei fod mor brin. Mae'n ficrocosm o ryfeddod cenedlaethol, yn fyfyrdod ar ddiwrnodau olaf ffordd o fyw a oedd wedi parhau am gannoedd o flynyddoedd. Bydd y gwaith cadwraeth yn cynnal ac yn diogelu'r eitemau, gan gadw cymaint o'u cymeriad gwreiddiol â phosib. Dywedodd Ysgrifennydd yr


Economi, Ken Skates: "Rwy'n ddiolchgar i Ymddiriedolwyr NMCT am eu cefnogaeth barhaus i brosiectau cadwraeth archifau Cymru. Ers 2008 rydym wedi ail- ddarganfod casgliadau ardderchog ac wedi caniatáu mynediad


atynt. Nid yw eleni'n eithriad gan y byddwn yn dechrau gwaith cadwraeth ar ddau gasgliad; nodiaduron Edward Thomas, un o feirdd mwyaf arwyddocaol y Rhyfel Byd Cyntaf, a'r casgliad unigryw o ddeunydd a gasglwyd gan Florrie Hamer sydd yng ngofal Archifau Ceredigion ac sy'n darparu cipolwg hyfryd o oes a fu.” Ers 2008, mae'r NMCT, mewn


partneriaeth â Llywodraeth Cymru, wedi cefnogi 37 o brosiectau ac wedi gwneud gwaith cadwraeth ar eitemau a chasgliadau sydd o bwys cenedlaethol a rhyngwladol mewn archifau ledled Cymru. Mae'r eitemau'n cynnwys llythyrau o ffosydd y Rhyfel Byd Cyntaf, Achau Teuluol a mapiau hanesyddol. Bydd y gwaith cadwraeth yn


gwella mynediad at yr eitemau unwaith y byddant mewn cyflwr sefydlog, gallant gael eu hastudio, eu trin a'u digideiddio'n ddiogel, ac o ganlyniad, eu darparu i gynulleidfaoedd ehangach dros y we.


Dywedodd yr Arglwydd Egremont, Cadeirydd


yr


Ymddiriedolaeth Cadwraeth Llawysgrifau Genedlaethol: "Rydym yn falch bod gwaith NMCT ar y cyd â Llywodraeth Cymru wedi arwain at gefnogi mwy o brosiectau cadwraeth o safon yng Nghymru. Rydym hefyd yn ddiolchgar i Ymddiriedolaeth Colwinston am eu cefnogaeth gyda'r prosiectau hyn. Diolch i bartneriaeth NMCT â Llywodraeth Cymru, rydym wedi dyfarnu dros £200,000 o grantiau ers 2008. Mae'r grantiau hyn yn sicrhau bod cannoedd o fapiau, llawysgrifau, papurau a chasgliadau arwyddocaol yn cael eu cadw a'u gwneud yn hygyrch - cyfraniad pwysig at ddiogelu hanes Cymru."


Page 1  |  Page 2  |  Page 3  |  Page 4  |  Page 5  |  Page 6  |  Page 7  |  Page 8  |  Page 9  |  Page 10  |  Page 11  |  Page 12  |  Page 13  |  Page 14  |  Page 15  |  Page 16  |  Page 17  |  Page 18  |  Page 19  |  Page 20  |  Page 21  |  Page 22  |  Page 23  |  Page 24  |  Page 25  |  Page 26  |  Page 27  |  Page 28  |  Page 29  |  Page 30  |  Page 31  |  Page 32  |  Page 33  |  Page 34  |  Page 35  |  Page 36  |  Page 37  |  Page 38  |  Page 39  |  Page 40  |  Page 41  |  Page 42  |  Page 43  |  Page 44  |  Page 45  |  Page 46  |  Page 47  |  Page 48